Author Topic: Down on the farm with the Bushlander (Read 192089 times)

Dorsland · « **Reply #1160 on:** January 20, 2017, 09:00:37 pm »

Plaas dat ek nou eers raad gevra het hier dan kon ek R1100 op een kettingkatrol gespaar het. Dis 'n goeie plan VB. Het jy dalk 'n foto van daai opset?

Ek probeer myself help omdat met die terugsit slag moet ek 10 boutgate oplyn. Daai tralie moet dus so gelyk moontlik gelig en laat sak word.

VaalBaas · « **Reply #1161 on:** January 20, 2017, 09:21:35 pm »

Dis hoekom ek dink dit is seker beter dat jy die voor en agterkant apart kan sak. Dit sal seker net soveel makliker wees veral die dae as jy dit allen moet doen.

Nee ek het nie fotos van my kontrapsie nie. Ek wonder of die katrol nog daar iewers by my pa in die stoor lê. Om ons besigheid makliker te laat loop was die agterse kabel langer as voor. Dit het veroorsaak dat die kop eerste lig . Was meer van nut met die terugsit. Het hom eers laat sak met sy gat op die bak, geskuif tot op die merke en dan verder laat sak voor.

Draad · « **Reply #1162 on:** January 23, 2017, 08:29:02 am »

My grinder le ook maar altyd so naby om daai knop weld spots so bietjie plat te maak so my vriende nie vir my lag nie

Sien jy maak hom sodat die trekker hom kan rond sleep

Dorsland · « **Reply #1163 on:** January 23, 2017, 08:48:00 am »

Ja, ek ag myself glad nie 'n netjiese sweiser nie en dis jammer. Ek beny manne wat netjies kan sweis.

Dit was my aanvanklike plan gewees ja Draad maar daai ding is so blerrie swaar hy gaan nie veel geskuif word nie. Maar mens weet nooit nie so die opsie is daar.

Dorsland · « **Reply #1164 on:** January 23, 2017, 09:06:31 am »

Waar dit in die verlede 4 van ons onder eintlik gevaarlike omstandighede geverg het om die bo-dek af te haal en weer op te sit en gewoonlik so 'n uur geneem, het 2 van ons dit vanoggend binne 20 minute gedoen. Maar ek sal dit maklik alleen kan doen.

JMOL · « **Reply #1165 on:** January 23, 2017, 01:27:57 pm »

Netjies

Dorsland · « **Reply #1166 on:** January 23, 2017, 01:29:57 pm »

Dankie JMOL, ek is heel tevrede met my handewerk. Nou is daar nog 'n taak wat sonder werksmense uitgerig kan word.

frankmac · « **Reply #1167 on:** January 23, 2017, 03:04:31 pm »

It can also double as a gallows for those stock thieves - hang 'em high

Dorsland · « **Reply #1168 on:** January 23, 2017, 03:08:37 pm »

Ja, plenty space for them all

landieman · « **Reply #1169 on:** January 23, 2017, 05:45:32 pm »

lank laas die fred gesien.baaie bly dit het lekker gereen by jou op die plaas DL.nou wag ons net vir die reen in die kaap

Oubones · « **Reply #1170 on:** January 23, 2017, 09:36:36 pm »

Heel netjies en ek dink jy kan dit sommer gebruik om ander swaar goed ook af te laai indien nodig.

Tom van Brits · « **Reply #1171 on:** January 27, 2017, 10:05:41 am »

Mense laat weet my dit reen in SA amper landwyd.....by jou ook mater?

Sent from my SM-J500F using Tapatalk

Dorsland · « **Reply #1172 on:** January 27, 2017, 10:09:57 am »

Tom jy gaan dink ek lieg nou kliphard vir jou maar dis die eerlike waarheid. Ek kom gister terug van Potchefstroom af. Van hier by die N9 tot by Potchefstroom is dit grasgroen, water in die dammetjies, beeste aan die vet vreet. Hier by my is dit kurkdroog, my populierbome begin vrek, my tuin is daarmee heen, die veld raak nou kwaai geknou.

Ek wil waaragtig nie jannie jammergat klink nie maar hy sny soos 'n mes so 10 km van my af weg, af.

Dorsland · « **Reply #1173 on:** January 27, 2017, 10:23:27 am »

Ek het dié foto's op die koöperasie stoep fred gepos maar kyk hoe mooi.

gser · « **Reply #1174 on:** January 27, 2017, 10:26:54 am »

Ai Dorsland , my hart bloei vir julle . . . .!

Tom van Brits · « **Reply #1175 on:** January 27, 2017, 10:32:07 am »

Dit is bitter hartseer....dis daardie opvolg reen wat maak of breek is. Ai ek is jammer om te verneem en ons bid saam dat dit sal reen by jou!

Sent from my SM-J500F using Tapatalk

Dorsland · « **Reply #1176 on:** January 27, 2017, 10:37:11 am »

Neewat kêrels, selfbejammering gaan mens nêrens in die lewe bring nie maar dankie dat julle omgee, saam bid en aan ons dink. Ek waardeer dit opreg. Die goeie nuus is dat as dit wel op ander plekke reën dan daal die lusern- en mielieprys darem so ons voeraankope rek bietjie verder. Volgende vrag lusern kom Dinsdag.

Jy is reg oor die opvolg Tom, die paar groen sprietjies wat na daai 18mm uitgeloop het, is weer morsdood gebrand. Dié beker sal seker ook verbygaan.

Kyk bietjie waar lê Graaff-Reinet alweer:

Serf · « **Reply #1177 on:** January 27, 2017, 10:52:09 am »

Respek dat jy so kan vasbyt en positief bly. Bid vir goeie reen by jou sodat jou naam kan verander na iets soos "Voldamme" of "Teveelweiding"

Sent from my SM-A510F using Tapatalk

Dorsland · « **Reply #1178 on:** January 27, 2017, 10:56:12 am »

Ou Serf, kom ek jou iets vertel, as ek eers aan die huil moet gaan oor die droogte, plaasmoorde, korrupsie, die EFF se grondsteel planne, DWAF wat aandring op waterbelasting al is daar net stof, grondbelastingrekeninge wat ek ontvang terwyl ek op die trekker sit en hulle paaie herstel, dronk arbeid, duur veemedisyne en ander dinge dan sal daar soveel trane wees dit hoef vir 10 jaar nooit ooit weer te reën nie.

Serf · « **Reply #1179 on:** January 27, 2017, 11:00:59 am »

Dis die gees van boere in ons land

Sent from my SM-A510F using Tapatalk