Down on the farm with the Bushlander

[Dorsland]

Hehehe ja Frank, dit kan ek goed glo.  Mense is soms mislike goed om mee te werk.

[Dorsland]

Hier is die Langsteekgras se blomme van naby:

[VaalBaas]

Hehehe ja Frank, dit kan ek goed glo.  Mense si soms mislike goed om mee te werk.

Jy kan my niks vertel van mens nie........Inteendeel ek wens ek kon met mense werk....

Sal netnou die fotos gaan kyk. Die slim manne kry nie die fotos op my vleis rekenaar werk nie. Hoop hulle is besig daarmee

[Dorsland]

Die Bushlander loop nou weer lekker met sy nuwe bande....








......en ek kom sommer maklik by die buitekraal uit waar my bokkers vir my staan en wag.  'n Bok is darem maar 'n oulike dier, hulle staan op en rek en staan dan nader aan die hek as hulle my hoor aankom.






Ek sit vir hulle lêkblokke uit en wat interessant is is, wanneer ek begin om die blokke vir hulle uit te sit en hulle behoefte aan minerale en spoorelemente hoog is, dan vreet hulle dié blokke binne 3 dae op.  Namate hulle behoefte vervul word, vreet hulle die blokke al stadiger op.  Die blokke is seker nou al so 'n week in die kraal.



Hulle kou die blokke in sulke snaakse vorms.

[Dorsland]

Julle ouens moet maar verskoon.  Ek tik die storie hier op die rekenaar en dan laai ek die fotos van my selfoon op so dit gaan bietjie stadig.  Dalk sien julle 'n pos hier wat nie heeltemal sin maak nie, dis my stadige tikspoed. 

[Dorsland]

Ai, maar saam met die mooi is daar soms hartseer ook.  Ek sien vanoggend een van die ooie het geaborteer.  Dié ooitrop moet einde Mei begin lam so die lam is omtrent halfpad deur die 149 dag dragtigheid.  Ek het hulle Donderdag teen cholstridiale siektes geënt en dit kan dalk die probleem wees.  Sal bietjie by die veeaarts hoor wat dink hy.

 

[Dorsland]

En wat sal my Karoo RR wees sonder 'n windpompfoto.





Ek dink nie ek het die "After" foto van my bokafdak geplaas nie.  Julle sal onthou ek het vroeër 'n hoop sinkplate en teerpale hier gepos toe ons begin bou het.  Nou ja, hy lyk nou heel skaflik.

[Dorsland]

Ek ry toe om die droë ooitrop te gaan kyk.  Op een plek doer tussen êrens en nêrens kom ek op dié ou stuk balon en lint af!  Ek het geen ander verklaring daarvoor nie as dat dit 'n balon by 'n partytjie of troue was wat iemand losgelaat het en hy styg toe op totdat hy bars en hier op my plaas terlande kom nie.  Niemand behalwe ek kom op die plaas nie en en my bure is baie ver weg en het nie onlangs sulke rumoerige partytjies gehou nie.

Dis al waaraan ek kan dink.





Ek kry die 2de ooitrop waar hulle al vroeg aan't wei is. Wat 'n salige lewe.  Dis nie 'n baie goeie foto nie maar julle kry darem die idee.




Ek gaan sit toe so 'n wyle daar bo in die berg en skep moed en krag en bring myself weer tot kalmte.  Kyk kêrels, met dié nonsens wat so in die land uitbars en die dreigemente van grond steel, en oorlog en moord, verkragting en doodslag raak mens in jou binneste effe onrustig en is dit maklik om van die mooi en die goed en die rustigheid van die veld, die vee en die wildsbokke te vergeet.  Dié tye in die oggend veral, as ek hier kom ry na die bokke toe dan is dit vir my soos olie op onstuimige water.  Ek skep moed en sien die mooi en die seën en die Genade wat ek het.  En ek is dankbaar, ewig dankbaar.

[Dorsland]

Die Karoo begin blom vir die winter en dis mooi manne, bitter mooi.  My gemoed voor en na die reën is soos dag en nag, somer en winter, wit en swart.  Dis mooi, en groen, en alles groei en blom en daar is weer lewe en rooihartebeeskalwers, en koedoekalwers en blomme en sade en orals is tekens dat die lewe aangaan, die natuur loop sy pad.

Blou tulp wat blom. Dis 'n irisspesie wat eintlik vir vee giftig is.  Diere wat hier aangepas is ken dit en vreet dit nie maklik nie.





Kapokbossie wat begin blom.




Kyk die stam. Voor die reën dink mens hy is morsdood, dan kom reën dit en hy trek sap en groei en blom van die vreugde. 





Ankerkaroo, fondasie van Karoo veeboerdery, blom te pragtig.







Karoo vygie of skilpadbossie. 





Kraaldoring, pendoring of lemoendoring. Ruik soos Rustenburg se sitrusboorde van my kinderdae. Ai, verlang ek nou om 'n kind te wees. Ewe skielik. 





Bloubos wat al vruggies dra.






Wortelsaad gras. Vee eet hom soos lekkergoed op. Baie smaaklik en voedsame gras.

[Dorsland]

En weereens, tussen die mooi en die lewe en die blomme, die hartseer.  Heelwat struike en bossies het dit nie deur die droogte gemaak nie.  Van hulle sal weer uitloop ondanks die feit dat hulle seer gekry het.  Ander is gedooi en sal mettertyd skuiling vir nuwe plantegroei word.  Soos hulle wortels vrek en in die grond vergaan maak hulle kompos en hou water vir die nuwe plantegroei wat sal uitloop.  Die siklus van die Skepping.  Alles het sy plek en sy tyd. 

Beesganna wat gevrek het.

[Dorsland]

Nou ja, dis my storie vir nou.  Ek simpatiseer met die manne wat deur die verkeer moet sukkel, wat met taxis en roekelose bestuurders elke dag te doen kry.  Sterkte ouens, ek beny julle dit nie.  Ek dink aan julle as ek vanmiddag my bokke gaan kraal.

  

[Dorsland]

Hehehe ja Frank, dit kan ek goed glo.  Mense si soms mislike goed om mee te werk.

Jy kan my niks vertel van mens nie........Inteendeel ek wens ek kon met mense werk....

Sal netnou die fotos gaan kyk. Die slim manne kry nie die fotos op my vleis rekenaar werk nie. Hoop hulle is besig daarmee

Verstaan ek jou nou reg VB?

[woody1]

Ai maar dit lyk MOOI daar by jou.
Dink ek moet weer kom hallo se.....net kyk of jy nie alles ge photoshop het nie. 

[VaalBaas]

Hehehe ja Frank, dit kan ek goed glo.  Mense si soms mislike goed om mee te werk.

Jy kan my niks vertel van mens nie........Inteendeel ek wens ek kon met mense werk....

Sal netnou die fotos gaan kyk. Die slim manne kry nie die fotos op my vleis rekenaar werk nie. Hoop hulle is besig daarmee

Verstaan ek jou nou reg VB?

As dit oor die mens deel is? Ja, ek dink ons is redelik op dieselfde blady met dit. Maar kom los dit maar daar. Nounou is daar weer n verbanering ophande

Dit lyk glad nie soos die veld van vroeg Januarie. Toe was jou Karoo ook vir my baie mooi al het ons die omvang van die droogte besef. Die fotos is baie mooi, maar sou dit met die oog wou sien.

Dit maak mens se dag sommer ook beter

[VaalBaas]

Oor die balon/

Jy al Barnyard fliek gekyk? Jy seker die bokkers het nie afskeidsparty gehou vir van die laaste lot wat weg is

[Dorsland]

Ai maar dit lyk MOOI daar by jou.
Dink ek moet weer kom hallo se.....net kyk of jy nie alles ge photoshop het nie. 

EC Bash lê nie ver nie.

[Dorsland]

Oor die balon/

Jy al Barnyard fliek gekyk? 8: 8: 8: Jy seker die bokkers het nie afskeidsparty gehou vir van die laaste lot wat weg is

Ek ken daai fliek nie, sal hom Google dat ek agter die kap van die byl kan kom.

Jy was stil gewees VB, alles ok by julle? Selfs die Insomnia fred het stil geraak.

[RobC]

Dit lyk skoon soos 'n ander plaas!

[Serf]

Tyd om jou naam te verander na Natland

Sent from my SM-A510F using Tapatalk

[4 Kays]

Dorsland, jou plek lyk skilder mooi na die reen