Author Topic: 3 Provinsies in 3 dae, of was dit 4 provinsies? (Read 2710 times)

Duster · « **Reply #20 on:** March 28, 2014, 06:36:17 am »

Die plek kan julle maar besoek. Tee, koffie (en Coke vir Johan), scones met al die toppings en muffins, was net die regte ding om ons weer reg te kry vir die pad wat voorlê.

Duster · « **Reply #21 on:** March 28, 2014, 06:42:02 am »

Van daar wou ons afry na die R36 wat na Origstad se kant toe loop, maar 2 ander bikers wat ons ontmoet het, beveel aan dat ons oor die R36 ry tot by die R71 wat Tzaneen/Gravelot toe loop. Toe maak ons maar so, want dan sny jy daai lang stuk in die trust gebied uit.

Roete Gravelot, Mika, terug na Dublin toe waar jy regs draai na die Abel Erasmus tonnel toe.

Duster · « **Reply #22 on:** March 28, 2014, 12:25:57 pm »

'n Bietjie tyd is by die tonnel spandeer, niks gekoop nie, want almal het dieselfde goed. Van daar af oor die berg, die pas af en links na Graskop se rigting, verby Blyderivier Oord en by die eerste verniet uitsig punt het ons weer gestop.

Iets wat ons oor gepraat het, wat seker debateerbaar is: hoekom moet iemand geld maak uit die natuur uit wat verniet vir almal gegee was sodat almal dit kan geniet en waardeer? Nou moet jy betaal om die Bourkes Luck Potholes te sien, jy kan nie eens meer koffie daar koop nie!! Gods Window, betaal om te kyk!!!

Duster · « **Reply #23 on:** March 28, 2014, 12:27:41 pm »

Nog fotos

Duster · « **Reply #24 on:** March 28, 2014, 12:29:36 pm »

Dis mooi!!

Duster · « **Reply #25 on:** March 28, 2014, 12:38:58 pm »

My idee was om net verby die Potholes, regs af te draai op 'n grondpad wat na Pelgrimsrust toe loop. Ek wou daai pad al lankal ry, maar die tyd het teen ons getel, en ons het reguit Graskop toe gery.

Ons was net voor 5 by Summit Lodge en het die tente op hul kampterrein opgeslaan. Ek bedoel eintlik hul grasperk. Van die hele naweek, was hul kampgeriewe basies net dit; kampgeriewe. Hul ablusies is nie lekker nie, geen privaatheid vir die vrouens nie en te min braai plek. Die lig op die kampterrein het ook nie gewerk nie, die enigste lig!

Maar ons is mos hier vir avontuur, so maak die beste daarvan.

Duster · « **Reply #26 on:** March 28, 2014, 12:43:07 pm »

Ons het darem so ent van die tente af 'n braaier gekry langs die swembad, maar dit was te koud om te swem. En toe het ons onsself verder vermaak.

Duster · « **Reply #27 on:** March 28, 2014, 12:45:36 pm »

Ek het 4uur wakker geword en moes dringend 'n draai gaan loop. Die mis het tipies Graskop, op die grond gelê. Stoffies was ietwat verbaas om te sien toe ek my kamera gryp om daai tyd van die oggend 'n foto te neem.

Maar dis al wat uitgekom het.

T Rex · « **Reply #28 on:** March 28, 2014, 06:36:26 pm »

Dankie Duster , lekker trippie en RR !

Ons moet weer n plan maak om bietjie weer saam te ry, laas in die water was rof maar lekker.

Duster · « **Reply #29 on:** March 28, 2014, 07:13:30 pm »

Dankie TRex, die trip was lekker net te kort. Ja ons moet plan maak, het ander dag met MPix gepraat n gevra wanneer ons weer daar Hoendertjie gaan ry. Ons trip het in Cullinan gestop, en ek en Stoffies het eers gaan sweets koop. As ek weer daar is, bel ek jou.
Groete

Duster · « **Reply #30 on:** March 30, 2014, 02:29:21 pm »

Die volgende oggend nadat ons opgepak het ons n grondpad gevat wat na n waterval toe loop nie ver uit Graskop nie. Toe ons op die grond kom, se ek vir Stoffies, die is modder modder, en net n rukkie daarna toe gly die voorwiel onder ons uit en ek plant die AT langs n modderpoel neer. Gelukkig niks stukkend en niemand seer nie, en ons tel die bike op voor Karien n foto kan neem. Net mY ego het n kraak gekry.

Duster · « **Reply #31 on:** March 30, 2014, 02:32:14 pm »

Nog een modder foto.

Duster · « **Reply #32 on:** March 31, 2014, 05:21:04 pm »

Ok nou moet ek erken dat ek baie senuagtig was na die val, en net om 'n ooreenkoms te bereik, besluit ons om eerder die teer te vat Sabie toe. Gelukkig het Johan saamgestem, anders sou ek eenvoudig moes deurdruk. En die pad vorentoe het presies dieselfde gely. Dankie vir alternatiewe roetes.

Johan het 'n Coke op die GS vasgemaak, en met die vallery en my help optel, sien hy die bottel is amper heeltemal los. Die bottel het so saamgery tot hy leeg was.

Nou ja, Sabie deur en toe op die bekende biker vriendelike R536 Hazyview toe. Dit bly darem 'n lekker pad om te ry. Daar het ons 'n versterking of 2 geneem (koffie vir ons en Coke vir Johan) voor ons deur Witrivier na Nelspruit gery het. Ons maatskappy het 'n depot daar in Waterfall en ek het gou daar vir die manne gaan groet.

Duster · « **Reply #33 on:** March 31, 2014, 05:27:24 pm »

Nadat ons deur die depot is, Het ons vir Gert gegroet en die Kaapse Hoop pad gevat. Mooi teerpad en nogal nie 'n aardige roete om te ry nie. By Kaapse Hoop het ons opgery tot bo by die murasie, en van daar die plekkie bietjie verken.

Ek gaan maar net die fotos post en dit met julle deel.

Duster · « **Reply #34 on:** March 31, 2014, 05:30:31 pm »

Nog fotos. Op die laaste foto het Stoffies mooi gekyk wat sy wou bestel........

Duster · « **Reply #35 on:** March 31, 2014, 05:33:05 pm »

Die perde daar loop mos "wild" rond.

Duster · « **Reply #36 on:** March 31, 2014, 05:37:01 pm »

Sommer rond en bont fotos vanaf die dek waar ons middagete geëet het.

Duster · « **Reply #37 on:** March 31, 2014, 05:46:12 pm »

Sien die fotos nie gelaai nie. Ek post daai voriges weer.

Duster · « **Reply #38 on:** March 31, 2014, 05:54:38 pm »

My aanvanklike plan was om van Machado af die grondpad te vat wat voor The Gathering (Elandsdrift?) verby loop na Dullstroom toe. Van Dullstroom Tonteldoos toe te ry, van daar Stofberg toe en weer 'n grondpad tot by Loskop dam. Maar my beplanning het bietjie skeef geloop, want ons tyd was erg beperk en ek het besef as ons al die grondpaaie ry, gaan ons beslis eers donker by ons slaapplek aankom.

Dus het ons op die N4 geklim en teer gery tot by Middelburg en daar noord gedraai Groblersdal se kant toe. By Loskop dam se wal het ons eers die oorvloei van die wal beleef voor ons aangestoot het Riverside Lodge toe waar ons sou oornag.

Dis nie baie dat ek daai wal al so gesien het nie.

Duster · « **Reply #39 on:** March 31, 2014, 06:07:52 pm »

Net na ek die AT gekoop het, het ek en Stoffies (toe nog nie WD's nie) een aand daar gaan wou kamp. Dit was redelik rof en die staanplekke was nie mooi uitgelê nie. Toe sy dus kies dat ons daar moet oornag, was dit met 'n oop gemoed dat ons dalk nie 'n nice staanplek sou kry nie.

Wat 'n verrassing!! Die plek so "upgrade" dat ons besluit het om binnekort een naweek sommer die hele naweek daar gaan kamp. Dis 'n lekker plek om as basis te dien om die Saterdag 'n paar lekker grondpaaie te gaan ry.