En Jy Dog Stryk Is Net Vir Vroumense?

[Dusty Rusty]

So rukkie terug het ek op Hartenbos gekuier.  Behalwe vir tone in die seesand druk en half beswymeld  in die son lê en bak is daar darm so bietjie rondgeloop ook.

Meeste  mense kuier op  Hartenbos tydens die somervakansie. Dan is dit ‘n besig dorpie waar alles stadig en in lang rye gebeur.  Dou voor dag open drawwers en strandlopers die strand met hul voetspore op die nat sand.   Bont sonsambrele begin een vir een op die strand oop pop.  En voordat jy jou oë  kan uitvee is die strand vol songebrande lywe wat in die branders rondplas, toutchies speel of lui lekker in die son lê en bak.  Buite seisoentyd is die strand egter verlate (mens  kan amper sê  die hele dorp) en kan jy maklik dit net  vir jouself hê. 

[Pote]

ja moet pasop die see gaan leeg loop as jy hom so skuins afneem 

[Dusty Rusty]

Die seevoëls kan mens ook maar net vir so lank vermaak met hul kras ge-aah-aaah voordat jy hasepad kies dorp se kant toe.  Dis dan wanneer jy ‘n paar van Hartenbos se poppe kan gaan opsoek.  Meeste van hulle is aan die stil kant en skaam vir been wys.  Die ergste van alles is dat mens net R2 hoef te betaal om hulle te sien.  Ek praat van Hartenbos Museum se mannekyne!  

Die hooftema van hierdie museum handel oor hoe die Voortrekkers geleef het tydens die Groot Trek.  

Dan is daar ook ‘n vertrek met stokou vuurwapens, ‘n voorstelling van ‘n oudtydse winkeltjie,  ‘n kamer wat aandag skenk aan Hartenbos se vroeë  ATKV geskiedenis en ‘n Eeufees saal.  As jy iemand is wie van detail hou, mag jy veral aanklank vind by die “voortrekkerlewe sale.” Hier’s ‘n paar foto’s van hoe dit daar lyk.  (ek het maar gesukkel in die half donker gebou met my mik en druk kamera en daarom my selfoon gebruik)

[Dusty Rusty]

ja moet pasop die see gaan leeg loop as jy hom so skuins afneem 

Aaaai! Jy darm maar!   

[Dusty Rusty]

Hartenbos Museum is egter nie die enigste museum op die dorp nie.  Daar's nog een!

Een wat van hoek tot kant propvol artikels is waarvan jy baie vir die eerste keer in jou lewe gaan sien.  Dis die Was en Strykyster Museum.  Voordat jy verontwaardig in die lug snork en dink dis nie jou tipe plek nie, dink weer.  Daar’s strykysters wat uit die 1600’s dateer in hierdie plek!  Behalwe vir meer as 800 strykysters is daar ook wasmasjiene, klerasie, kombuisware, kommunikasie middele, speelgoed, plaasimplimente en selfs ‘n borsrok wat van “Die Hell” af kom. 

Om alles te kroon is die einaar van die museum self die trotse eienaar van ‘n BMW 1150 GS.  Hier is van die goed wat ek in hierdie oulike museum raakgesien het:

[Dusty Rusty]

 

[Dusty Rusty]

 

[Dusty Rusty]

 

[Dusty Rusty]

 
Die muntstuk by die kleinste strykystertjie is 'n R5

[Dusty Rusty]

 

[Dusty Rusty]

 

[Dusty Rusty]

As jy ooit in Hartenbos is en ‘n paar ledige ure op hande het, maak die Was en Strykyster Museum jou eerste stopplek.  Probeer net om jou  ryklere en valhelm elders te laat, anders gaan jy dalk soos ‘n bul in ‘n porselein winkel voel.  

As jy nog foto’s wil sien en meer van die Hartenbos storie wil lees kliek http://doutrapper.wordpress.com/  

Ek was nogals verras om uit te vind dat Hartenbosch se wortels al in 1733/34  gegrawe is.

Dankie dat ek gou vir jou so bietjie van die Tuinroete kon wys.

xxx
Dusty Rusty


 

[2StrokeDan]

Nadia, dit was nou werklik interessant, ek sou nie kon dink so iets bestaan in Hartenbos nie.

Waar is die plekke presies?

[Dusty Rusty]

Ekskuus, ek het nie besef jy het hier kom inloer nie.

Die maklikste om te verduidelik:  As jy verby die Langeberg Mall ry van Mosselbaai af Hartenbos toe, dan draai jy regs by die robotte waar die Enjin Garage is.  Jy sal Laerskool Hartenbos se sportgronde ook regs van jou kan sien. 

Die beste is om sommer te parkeer by die vulstasie en by die wassery in te gaan.  (net bokant dit sit die Wiimpy)  In die wassery sien mens nie regtig 'n aanduiding dat daar 'n museum is nie, so die beste is maar om te vra waar die bestuurder is sodat hy/sy dit vir jou kan oopsluit. As dit 'n middeljarige man is, sal dit waarskynlik Jan die eienaar.  Ligloop vir hom, hy beweeg in BMW GS kringe!    

Die museum sit in 'n geboutjie net langs die wassery, maar dis op die wassery se perseel,  so mens sal dit nie van die Spar se parkeer area af sien nie. 

Die foto's wat hier opgesit is is maar net 'n druppel in die emmer van wat daar is.  Dit was regtig vir my 'n groot treat om die plek te besoek.   


xxx