Author Topic: 4 Dae in Malawi....... (Read 16713 times)

skydiver · « **Reply #21 on:** October 30, 2014, 12:34:50 pm »

Ek is altyd dankbaar wanneer bikers veilig terug is van so 'n lang trippie.

Nou gaan ek lekker saamry Malawi toe wanneer ek die RR lees.

Man from Nam · « **Reply #22 on:** October 30, 2014, 01:16:50 pm »

Lank gewag en uitgesien na die RR, want dit is ook my volgende lang trip

Sien uit na die verslag

Johnnie Bok · « **Reply #23 on:** October 30, 2014, 01:53:21 pm »

Lyk heerlik!

Dorsland · « **Reply #24 on:** October 30, 2014, 02:15:50 pm »

Lekker man. Kyk as mens eers daar langs daai Malawi Meer op die strand lê, dan raak dit gevaarlik want 'n ou wil nie terug kom nie

Wayne Duck · « **Reply #25 on:** October 30, 2014, 05:42:42 pm »

Baie, baie lekker!

Will be going there for a few months next year

Brandt · « **Reply #26 on:** October 30, 2014, 05:54:24 pm »

Sub, ek gaan lekker lees dankie.

DRED · « **Reply #27 on:** October 31, 2014, 10:45:44 am »

Quote from: Duster on October 30, 2014, 06:42:45 am

Ek gaan vir eers net 'n paar lusmaker fotos post en dan die report begin met 'n dag tot dag uiteensetting. Geniet!

1. Grensposte. Gaan dit verseker nie mis nie want dit tap nogal jou humeur
2. Verkeer in Lusaka
3. Willie was weer stout, toe moes ons hom toesluit
4. Ongelooflike sonopkoms , toe is ons al oppad. (Zambie)
5. Geld wissel voor grensposte

4 Kays · « **Reply #28 on:** October 31, 2014, 11:14:55 am »

Gooi maar, ons wag om verder te lees

HB 9 · « **Reply #29 on:** October 31, 2014, 01:03:43 pm »

Die lusmakers werk!!

SHARK DOG · « **Reply #30 on:** October 31, 2014, 01:18:56 pm »

silvrav · « **Reply #31 on:** October 31, 2014, 01:54:24 pm »

aah zambia en malawi...wat lekker lande!

ArthurS · « **Reply #32 on:** October 31, 2014, 05:07:33 pm »

Dis of die NAM trip of MALAWI trip in 2015... RR required to decide

StuartC · « **Reply #33 on:** October 31, 2014, 05:44:28 pm »

This is my dream ride !

JMOL · « **Reply #34 on:** October 31, 2014, 05:46:23 pm »

Ek's in - net gou die popcorn en Coke kry

Duster · « **Reply #35 on:** October 31, 2014, 06:25:30 pm »

Jammer dit vat so lank, maar die werkies hou my besig! Dankie vir almal wat wil saamreis, dis vir ons lekker om dit te deel.

For Malibu, you are again reading an Afrikaans rr, and I appreciate! Will add a couple of English inserts, just for you!

Nou ja, voor mens kan ry, moet mens mos 'n paar planne maak, kaarte bestudeer, fisiese voorbereidings doen en natuurlik uitsien na die trip. Stoffies gym elke dag en was baie goed voorberei, Johan en Karien het begin fiets ry (pedal soort) en het ook die Coke gelos en was gereed vir die trip. Willie is nog in die army en ek hoor hulle is baie fiks en altyd voorbereid, en ek is so fiks soos 'n brood. Ek moes dus ander manier kry om weerstand teen die elemente te bied. Vit B co!! Damn, daai goed brand, maar dit werk soos 'n bom. Ek en Stoffies het gereeld gespuit en moes mekaar later moed inpraat om eerste te buk. Die fotos is nie vir sensitiewe kykers bedoel nie.

Duster · « **Reply #36 on:** October 31, 2014, 06:46:25 pm »

1 en 2. Nog voorbereidings.
3. As julle vir Lodie de Jager ken van Naboom2germany faam, hy het die engel vir ons gegee die aand voor ons gery het, sodat sy haar vlerke van beskerming oor ons kan waai. Al die pad uit Finland uit. Dankie Lodie, jou engel het ons beskerm, en ons vertrou dat sy ook oor jou sal waak.
4. Wat sal ek nou sê; die GS het net toe Johan in Naboom inry, die gees gegee. Fout op die petrolpomp.
5. Na 'n lang gestoei (na 11uur die aand voor ons moes ry) het ons kabel direk van die battery af na die pomp toe geloop met 'n gewone bedlamp skakelaar wat Johan moes aansit en afsit soos hy die fiets aan- en af geskakel het. Dit het gehou tot terug by sy huis.
6. Laaste pak voor more oggend wanneer ons 06:00 in die pad moet val om so vroeg as moontlik by Beitbrug te kon wees.

Duster · « **Reply #37 on:** October 31, 2014, 06:54:27 pm »

6 uur Saterdag oggend, 04 Oktober 2014, die begin van 'n trip waarna ons so lankal uitsien. Dis koud, die wind waai, ons nerwe is dun, want ons het min geslaap van die opgewondenheid, maar die bikes grom en die hekke word gesluit. Ons ry die ou pad tot in Polokwane by die Ultra city, toe moes ek stop om warmer aan te trek en ietsie warms in die lyf kry. Smaak my die ander het almal gehoop ek stop daar.

Van daar op die N1 Louis Trichardt toe waar ons ook sou volmaak. By die Kreefskeerkring eers die nodige fotos gaan neem, Louis Trichardt deur Wylies poort en die Verwoerd tonnels tot in Mussina. Daar het ons die rantsoene opgetop vir die bikes en vir ons want Beitbrug lê voor.

Duster · « **Reply #38 on:** October 31, 2014, 08:06:21 pm »

Almal weet mos hoe dit gaan by Beitbrug. Ons het so 3 ure begroot vir die grenspos, en het spesiaal besluit om die eerste aand by die Lion and Elephant Motel te slap wat net so 80km in Zim in is, dan weet ons ons gaan ten minste nie in die donker ry nie.

Ons was so net na 11uur by die SA kant in en is net na 15:30 eers amptelik in Zimbabwe gewees. Chaos is 'n georganiseerde woord vir wat daar aangaan!! Die stelsels was ook af, dus moes alles met die hand ingelees word. Geduld was die wagwoord, ons het runners probeer gebruik en na die verlies van R150 elk, besluit om maar net te staan.

Hier het ek alreeds begin agterkom dat ek en die grensposte die keer mekaar gaan misverstaan.

Duster · « **Reply #39 on:** October 31, 2014, 08:12:39 pm »

By die eerste garage na Beitbrug het ons ingetrek om gou verversings te koop en die gesigte bietjie af te vee. Stoffies was egter haastig om weg te kom, en ek moes net keer! Gelukkig kan haar voetjies nie by die grond bykom nie. Ons het sonder voorval aangery tot by Lion and Elephant waar ons die aand baie rustig spandeer het. Dalk te rustig....

Die kampplekkie is maar skraal maar die ablusies is meer as voldoende.