VIS ARENDE SE NAM TRIP MET DIE KARRETJIE

[ALLEN I]

 

[weskus]

Nou hou ek ook sommer saam vakansie.. Louis, stamp die karretjie kwaai op die sinkplaat of is hy redelik gemaklik?? Hoe groot is daai yskas?? 

[Sputnik080]

Asemrowend!

[Man from Nam]

Nou jeuk my gat darem self vir 'n lekker trip
Julle Arende MAG maar!!

[Oulouis]

Baie dankie vir die deel van julle avontuur.  Ek verlang na daardie plekke.  Julle mag maar!

[JMOL]

Ek is al vol stof soos ek saamry.

Dankie julle - dis lekker 

[Mev Vis Arend]

Baie dankie vir almal se mooi komplimente.  Ons waardeer dit opreg.   

[Vis Arend]

DAG 11
Solitaire tot Henties.

Vandag is dit reguit Walvisbaai, Swakop en dan Henties, waar ons so paar dae met Nannie se moeder sal kuier.

Dit maak nie saak hoe laat ons gaan slaap nie, ons kry dit net nie reg om laat te slaap nie.  Ek is al vroeg wakker en maak koffie vir my.  Later maak ek koffie vir Nannie.  Ons pak stadig op maar dit bly donker.
Ons is uiteindelik opgepak en vat maar die pad.
Die węreld lyk maar net mooi so vroegoggend.

Die eerste stuk van die pad is maar stamperig en sanderig.  Jy kan sien hier stuk pad dra baie verkeer.  Dit gaan eers stadig maar ons tel stelselmatig spoed op.
















Nie lank nie en ons is by die Steenbokskeerkring.
Ons sien hier was eenmaal ‘n eensame man. 


Besluit toe om hom maar geselskap te hou.




Guab Pas














Oppad Kuiseb rivier toe










Kuiseb Rivier pas en Canyons








Hierna is dit daai lang reguit stuk pad deur die woestyn tot by Walvisbaai.
Gelukkig was die pad van hier baie mooi geskraap en ons het maklik 120km/h gedoen.  Die pad was voor on sweet verby.










So 35km voor Walvis slaan die koue ons.  Hier stop on seers en trek warm klere aan.
Sien die misbank daar voor, dis koue daai.


Kom ons Walvis in, Duin 7 aan jou regtekant


Ons is Walvis in om petrol te tap en bande te pomp.
Hier is ons weer oppad na Swakopmund





Vars brochens en kouevleis gekoop in Walvis en nou eet ons die voor Swakop.


Op die soutpad na Hentiesbaai.


Vlotzkasbaken aan die linkerkant


En dan Henties

[Vis Arend]

Die sal ons basis wees vir die volgende drie aande.




Ons het Nannie se ma gekry in Henties en so bietjie kwaliteit tyd met haar spandeer.  Ons het nie veel gedoen anders as om lekker te kuier en te gesels nie.  Ons het darem een dag so bietjie gaan hengel.  Hier is so paar kiekies van ons kuier saam vir die volgende paar dae.

Die viswaters








Lekker nekpot en tuisgemaakte brood








Die groot hengelman, ja, ons het ons visstokke saam geneem.




So paar locals wat ook in die omgewing hengel


‘n Regte botterkop Galjoen.  Daai ding het meer vet ingehad as party van die slaggoed wat ons hier in die Oos Kaap koop.


Vat ek eers die oumense vir ‘n spin.  Skoonma se suster.


Skoonma




Ek het mac en cheese gemaak……………


En skoonma het die lekkerste viskoekkies gemaak.


Ons het heerlik gekuier.  Ek was bly my vrou kon weer haar ma sien en so bietjie tyd met haar spandeer.  Maar soos van julle weet, ons kon nog nooit lank stil sit op een plek nie.  Dis was weer tyd op pad te vat.

[Vis Arend]

DAG 14
Henties tot waar ons kom.

Vandag groet ons die familie en gaan sę hallo vir so paar vriende in Swakop en Walvisbaai. 
Ons het die vorige aand gepak.   Ons word wakker en dis baie mistig.  Alles is nat.  Ons sę ons good byes en val in die pad. 
Stop eers by die hangman.


Dit sukkel maar so deur die mis en die soutpad is glad.  Ek voel die karretjie wil sy gat uitgooi met geleentheid.  Ons vat dit maar stadig.


So pak die sout saam.




Ons het probeer om Road Hog te bel, maar sy tel lui net.  Ons stop in Swakop en eet gou ietsie by Woerman en Brock.
Ons vat die pad verder tot in Walvisbaai en groet so paar pelle daar.  Ons gesels dik stukke in ‘n kort tydjie.  Ek en Nannie besluit ons gaan nie oorslaap in Walvis nie, ons gaan maar eerder kyk hoe ver ons kan kom, want ons het ‘n ander afspraak met Man from Nam by Oanob dam die volgende dag.
Ons groet ons vrinne en vat die pad woestyn in, rigting Gamberg.
Eers stop ons by duin 7.








Dan vat ons rigting oos.  Hoe verder ons binneland toe ry hoe warmder raak dit.  Dis ons tipe weer die.




Nannie vat weer die stange en raak nou lekker windgat.


Volstruise en springbokke by die honderde


Ons sleep weer verby Kuiseb pas, dis laatmiddag en die kiekies wat ons neem is swak gehalte.  Ons het nie veel om te wys nie.






Verby die Kuiseb pas draai ons links af op die C26, rigting Gamsberg






Gamsberg daar voor


Ons sien die bordjie, Rooisand Lodge.  Ons draai hier in en soek kampplek.


Die duitser se vriendelike hond wil saamry.


Ons kom by die kamplek aan, die kampplek is nie van die beste nie, min skaduwee en dubbeltjie oral.  Ons sien daar is ‘n groot afdak en sementblad by die ablusieblok en besluit om daar tent op te slaan.  Ons is in elk geval alleen hier, so ons sal niemand pla nie.


Intussen sak die son alweer.



Ons maak vannaand so bietjie seekos gaar.
Kreef as voorgereg.








Vis en konfyt brochens vir die hoofmaal.




Man, so vars seekos so bietjie in die binneland smaak altyd te heerlik.
Ons eet soos konings en slaap glad nie so lekker nie.  Hier is ‘n donkie wat ons deur die nag pla.  Elke dan en wan gaat hy aan die skreeu en dan hol hy veld in, later hol hy terug.  Later hoor ons koedoes hier naby ons blaf.  So word ons wakker gehou die hele blerrie aand.  Ten spite van al die gerumoer kry ons darem so bietjie rus in.

[Vis Arend]

DAG 15
Rooisand tot Oanob dam (Rheboth)

Vandag is ‘n kort entjie se ry.  Dis Gamsberg oor, so ent met die C26 aan tot jy die D1237 regs afdraai na Rheboth kry, aan met hom tot jy die afdraai na die dam kry, dan is dit die 3km in tot by Oanob dam.
Man from Nam het gesę hulle sal ons by die dam kry vir ‘n regte egte Namibia braai.  Ek vra nog watse  vleis sal ek saambring, toe word ek darem kwaai sleg gesę.  Ek vra of ek darem die hout kan kry, verkeerde vraag.  Hy wil ook sommer weet watse dop ek drink.

Nou toe, ons staan alweer vroeg op.  Ek soek die donkie wat ons so pla, maar kry die kęrels nęrens nie.  Ek sien wel die koedoespore hier langs die draad.  Ons pak op, gaan betaal by ontvang en val in die pad.

Die pad uit na ontvangs





Die son is weereens sleg, ons ry Oos en ry direk in die son in.  Hier is so paar kiekies van Gamsbergpas wat gebruik kan word.


























Op die C26


Op die D1237 rigting Rheboth.

[Vis Arend]

Oanob Resort en Dam





Die uitsig van ons lapa




Dis wragtig pragtig hierso.  Ons betaal N$60 vir ingang en nog N$240 vir ons kampplek.  Jy het jou eie lapa met krag, braaiplek, wasbak en ablusie geriewe.  Jy is privaat en heel op jou eie. 






En toe daag Man from Nam daar op met sy lieflike vroutjie, dogter en die se maatjie.  Die man het die hele slaghuis en shebeen daar aangebring, als op ys.  Toe word daar gekuier en die vleis word so stuk stuk opgesit.
Daai sosaties is tuisgemaak, en boeta, daai goed is sagter as murg.


Die man, Man from Nam


Ek en JC gesels tog te lekker en die vrouens geniet dit net so veel.




Hier was bakke vol kos vir so paar mense.  Jy moet weet, intussen het ons weggelę aan die beste biltong en droewors nog.  Dan praat ek nie eens van die voggies nie. 


Ons ogies blink darem maar lekker die tyd van die dag.
Van links, Man from Nam se vroutjie, Salome, Man from Nam, JC, die uwe, en Nannie.


En moennie dink ons was klaar gekuier nie.  Die son het pragtig gesak teen die dam se agtergrond toe JC  sy Jagermeister daar uittrek.  Nou ja, wie sal dan nou kla.





Dankie JC, aan jou en Salome vir julle gasvryheid en vriendskap.  Dis was voorwaarlik ‘n voorreg gewees om julle te kon ontmoet.  Baie dankie vir ‘n wonderlike dag en die moeite wat julle gedoen het, nie net om 100km eenrigting te ry om te kom kuier nie, maar ook vir al die eetgoed en drinkgoedjies.  Julle is voorwaardelik baie spesiaal.  Ons belofte staan, ons sal volgende keer kom oorbly in Windhoek.  En onthou, ons deur staan altyd oop vir julle.   
NS.  Baie dankie vir daai heerlike biltong en droewors pakkie.  Ons het dit gehou tot hier in SA.  Ons het elke dag so klein pakkie opgemaak en werk toe gevat en daaraan gepeusel.  Ons is sommer nou die moer in dat dit op is.  Dis blerrie lekker gewees.

[McSack]

Wow. What a great adventure and RR.  .
That does it .... I have got to make a plan to get to Nam some time soon

[XT JOE]

Ons sit met eerste koue dae van die winter en water loop en die ding is honger en fotos van lekker padkos opsies......

[Sputnik080]

Ons sit met eerste koue dae van die winter en water loop en die ding is honger en fotos van lekker padkos opsies......

+1

[Man from Nam]

Ag ons wou maar net ook "feature" in julle lekker trip 
Nee, die kuier was baie lank al nodig , want ons ry mekaar al hoe lank mis elke keer. Dankie, dit was so lekker om julle te kon ontmoet en lekker te kuier. Onthou beloftes maak skuld, as ons weer in die oos kaap kom gaan ons definitief daar 'n draai maak.

[Frannarossi]

Hel man dit bly 'n lekker lees die

[Vis Arend]

Dankie aan almal vir al die nice kommentaar.   

Ons gaan vannaand nog lekker ry. 

Ek sal NOOIT so uit die slaapkamer praat nie... 

Jou wetter ... hier vang jy my met 'n lae ene.  Jou poefies is geboek by KZN bash 

[Vis Arend]

Baie nice uncle, julle RR maak my altyd lus om te pak en te ry.

Sien julle het toe die Kovea stoof aan geskaf, 

Nie die Kovea nie, maar soortgelyk.  Beste stofie ooit. 

[Vis Arend]

…2 swing arm boute…sal check…daai neus carrier lyk bevange….en die mudguard….??...

Ai, ou Chris, moenie praat nie.  Daai ding gee my grys hare!      Die brackets het die body begin skeur, het mos nie behoorlik back plate opgesit nie.  So leer 'n man uit jou foute.