Welcome, Guest. Please Login or Register

Author Topic: Watse sneeu!? Ek gaat ry .....  (Read 4736 times)

0 Members and 1 Guest are viewing this topic.

Offline Dorsland

  • Forum Whore
  • ****
  • Bike: Yamaha XT 660 Z
    Location: Eastern Cape
  • Posts: 7,063
  • Thanked: 274 times
  • Opsaal kerels!
    • Patriot Boerbokstoet
Watse sneeu!? Ek gaat ry .....
« on: August 02, 2015, 04:45:29 pm »
Vroeer diť pas afgelope week het ek lus gekry om weer so 'n stuk te gaan ry maar daai weer voorspelling vir Donderdag het my bietjie benoud gemaak.  Sneeu, sommer heelwat, was voorspel.  En het dit inderdaad toe gesneeu en was dit lekker koud. http://www.wilddog.za.net/forum/index.php?topic=156883.420  My lus is effe gedemp toe Vrydagoggend bitter koud aanbreek.  Die paaie is modderig en dis sommer net mislik om te gaan fietsry.

Maar Saterdag kom en alhoewel dit dik geryp het die oggend, is dit teen so 11h00 'n heel lekker dag, amper kortmou weer.  Sondagoggend toe is daar net so effe ryp en ek besluit toe, basta! ek gaat ry.

Ek het nie rerig 'n plan gehad nie, maar wat moes gebeur is dat ek by 'n brandstofpomp moes uitkom omrede ek minde as 'n halwe tenk gehad het.  Ook was daar 'n paar DVDs wat moes teruggaan.  Ek kies toe sommer teerpad Graaff-Reinet toe en slat twee vlieŽ met eenslag dood.  Maar kerels, dit was mos maandeinde naweek gewees en die dorp lyk effe beroerd met elke tweede ou wat erg slinger.  Mens moet maar koeskoes ry.

My sake in die dorp is afgehandel en ek drentel so luilekker uit die dorp uit, verby die Van Ryneveld dam, deur die Camdeboo Nasionale park.  Ek maak 'n vinnige stop by die park se Vallei van Verlatenheid hek om te hoor of motorfietse daar mag in.  Ja seg die man, gaaf dan bring ek die 2IB anderdag saam ons koffiestofie en kom kuier ons daar.

Ek ry die mooi Oubergpas uit, sommer teen 'n slakkepas want ek is heel rustig en daar is geen verkeer nie.  Dis net ry vir g'n rede nie, net vir die lekker.

Ek draai af op die Nieu-Bethesda grondpad en stop vir 'n kiekie.  Kan so 'n blink tweespoor na mens roep of hoe?





Doer ver lÍ Graaff-Reinet en die Van Rynevelddam.  Ek kyk vanoggend, en as ons nie goeie damreŽn diť somer kry nie, dan gaan sy vlak nog verder sak.  Die wind waai lekker uit Murraysburg se rigting uit maar dis eintlik glad nie tť koud nie.







Ek ry net so 200m en sien toe hierdie "10 green bottles hanging on the draad".  Stop ek weer, handskoene uittrek, afklim selfoon uithaal, kiekie neem.  Maar ek het (amper) heeldag se tyd.  Lyk my dis 'n koedoekruising of iets en die bottels is om hulle weg te fluit of iets,  daar is honderde bottels wat op daai stuk draad hang.  Terwyl ek nog so staan en wilwil water afslaan, kom 'n GP 3-Serie BMW daar verby.  Hy is haastig.  Ek laat hy maar in 'n stofwolk verdwyn voor ek my been lig.









Ek ry verder en dis nie baie lank nie en ek beginne die BMW se stof raakry.  Ek gee bietjie vet dat ek hom kan verbygaan en uit sy stof kom.  Hy ry nou stadiger as gevolg van die spoelslote oor die pad van die week se reŽn.  Hy trek darem heel links dat ek maklik kan verbykom.  Ek bedank hom en ry verder.  Ek sien 2 motorfietse van vooraf aankom, ek ry stadiger en wilwil nog stop om te gesels maar ek sien die manne op 1200 GSe waai maar issie lus vir gesels nie.  Baai julle  ;D


Ek ry verder, dis 'n pragtige dag om sommer te drentel.  Ek is maar ligtig vir die beton driffies nadat ek laas met my XR650 lekker neer gewetter het.  Orals loop die water en die dammetjies het water in.  Ek stop sommer by Bloukrans plaas se driffie vir 'n paar kiekies.  Net toe ek weer ry kom die man en sy gesin daar verby, Sondag plaas uitstapie.  Die man beloer my nog so asof ek 'n baaiker is maar ek groet hom in goeie Afrikaans en hy glimlag. Skielik is hy lus vir gesels, ek ook.  Hy seg hulle het diť week 7mm gemeet maar voorverlede week het hy 'n duim gemeet.  Lekker.  Ons warrawarra nog so 'n stuk voor ons die pad vat.  Lekker om sommer so met vreemdelinge oor gemeenskaplike sake te kan geselsies maak.  









Diť water kom uiteindelik daar by my verby, seker so 70km van hier af.  Siet julle later voggies  :biggrin: :thumleft:






Riverdene is 'n redelik bekende plaas in die distrik, hy het 'n mooi ligging.  Maar deesdae lyk dit my hulle leef van hulle gebou huurgeld op die dorp.  Daar is nie groot tekens van woelinge hier nie.  Dalk is dit die Sondag.

'n Tipiese Karroplaas.  Mooi man, mooi.






Die tweespoor klim nou die berge in en oor en die pad is plekplek erg verspoel.  Ek kom twee klonkies tee wat oppad Nieu-Bethesda toe is.  Die wind waai kwaai van voor so hulle hoor my nie.  Ek toettoet hulle en, al is ek nog 'n ent weg, skrik hulle hulselwers amper moeg.  Hulle lag dat hulle rol, ek lag saam en waai die manne.  Wakker wees kerels, die baaikers is oppad.

Verder stop ek weer om sommer oor die berge en dale te tuur.  Ai kerels, dis mooi so in die winter.  Dis harde wÍreld diť maar met sy eie bekoring.  Dis wyd en skoon en oop en stil en ........  Ja, dis sommer Karoo op sy wintermooiste.






Ek stoot aan want dit raak al middagete se kant toe en ek wil nog ontbyt eet by Tannie Ydil hulle se plekkie op Nieu-Bethesda.  Maar wys jou net, 'n man maggie haastig raakie of jy sien jou agterent sonder 'n spieŽl.  Die afdraendepad is erg verspoel en dit lyk meer na loopgrawe as spoelslote wat dwars oor hom loop.  En daar is baie los klippers.  Na ek myself die tweede keer uitasem geskrik het, slÍk ek 'n stukkie af. Ek wil ontbyt oppie dorpie eet, nie hospitaalkos nie  :o


Ek stop eers om die mooi ou Kompasberg in sy wit sneeukleed af te neem.  Hou hy geduldig wag oor die fraaie Nieu-Bethesda hieronder  :)








By Tannie Ydil se plekkie aangekom, groet sy vriendelik, bring sommer my gewone koppie tee nog voor ek vra en gaan aan die gesels.  Ek hou van ou mense, hulle gesels lekker en vertel altyd van vervloŽ dae, van 'n tyd wat verby is.  Ek vra soms so 'n paar vrae om hulle aan te steek dan laat waai hulle en ek luister lekker.  Hulle geniet die vertelling so veel soos wat ek die geluister geniet.

Die platteland is 'n ander plek kerels.  Dis 'n lekker plek waar mens nog mens kan wees en daar samesyn onder mekaar is.

Ek eet tť lekker aan my ontbyt.



« Last Edit: August 02, 2015, 04:51:26 pm by Dorsland »
Geleerdheid in die kop van 'n dwaas is soos 'n lemmetjie in die hand van 'n aap.

CJ Langenhoven
 

Online subie

  • Local Mods
  • Forum Whore
  • ***
  • Bike: Yamaha XT660
    Location: Gauteng
  • Posts: 9,144
  • Thanked: 81 times
  • Liberalism is the ideology of Western suicide.
Re: Watse sneeu!? Ek gaat ry .....
« Reply #1 on: August 02, 2015, 04:56:54 pm »
Ek wil nog so  middle van die land/karroo deur toer.  :thumleft:
As time washes by, our footprints are all for naught
 

Offline Dorsland

  • Forum Whore
  • ****
  • Bike: Yamaha XT 660 Z
    Location: Eastern Cape
  • Posts: 7,063
  • Thanked: 274 times
  • Opsaal kerels!
    • Patriot Boerbokstoet
Re: Watse sneeu!? Ek gaat ry .....
« Reply #2 on: August 02, 2015, 04:58:40 pm »
Soms as ek so ry Subie, dan wil ek sommer net aanhou ry, verantwoordelikhede verby :-\
Geleerdheid in die kop van 'n dwaas is soos 'n lemmetjie in die hand van 'n aap.

CJ Langenhoven
 

Offline weskusklong

  • Senior Member
  • ***
  • Bike: BMW R1150GS Adventure
    Location: Gauteng
  • Posts: 1,300
  • Thanked: 11 times
  • Happiness comes from inside.
Re: Watse sneeu!? Ek gaat ry .....
« Reply #3 on: August 02, 2015, 05:12:38 pm »
Ek wil nog so  middle van die land/karroo deur toer.  :thumleft:
Het nou die dag so ń mideldeur toer gehad,slegs Namibia bied ń bietjie weerstand teen die mooi van die Karoo.
 

Offline Ian in Great Brak River

  • Senior Member
  • ***
  • Bike: Honda CRF-1000L Africa Twin
    Location: Western Cape
  • Posts: 3,047
  • Thanked: 74 times
Re: Watse sneeu!? Ek gaat ry .....
« Reply #4 on: August 02, 2015, 05:15:57 pm »
Mooi geseg die, "Dis net ry vir g'n rede nie, net vir die lekker."

Ja nee, dit is presies daarom dat ons fiets ry in hierdie gedeelte van die mooi land, ek hou so baie daarvan om die ou mense te hoor stories vertel.

Dankie vir die deel.

  8)
1978. It's 6am, mid winter...two up on a XL 185S ... off to my first casino ever with all of R40 and we've got a full tank of fuel, so enough to get there we reckon.... that's determination...

Old bike: '82 Eddie Lawson Replica
Other bike: '05 Honda Varadero 1000
New bike: '16 Honda Africa Twin.
 

Offline woody1

  • Forum Whore
  • ****
  • Bike: Yamaha Super Tenere
    Location: Western Cape
  • Posts: 9,775
  • Thanked: 178 times
  • XT1200ZE "Vinnige" Witte
Re: Watse sneeu!? Ek gaat ry .....
« Reply #5 on: August 02, 2015, 05:17:09 pm »
Lekker Johan :ricky:

I WOULD RATHER BE AN HONEST ASSHOLE .... THAN A FLIPPEN LIAR !   


Ducati 100cc Mountaineer, Honda 550 K3, Suzuki Gs1000E, Suzuki Gs1000G, Suzuki 1100 Katana, BMW R1100RT, BMW R1150RT,,,,,All gone. Only 2014 ST in the garage at the moment... And Honda XL 600
 

Offline BMWPE

  • Senior Member
  • ***
  • Bike: BMW R1200GS
    Location: Eastern Cape
  • Posts: 4,124
  • Thanked: 44 times
  • Port Elizabeth
Re: Watse sneeu!? Ek gaat ry .....
« Reply #6 on: August 02, 2015, 05:36:45 pm »
 :thumleft:  Lekker
Rallye
 

Offline Jakkals

  • Forum Whore
  • ****
  • Bike: Yamaha Super Tenere
    Location: Western Cape
  • Posts: 6,320
  • Thanked: 3 times
  • I never get lost, I only discover new roads
Re: Watse sneeu!? Ek gaat ry .....
« Reply #7 on: August 02, 2015, 07:01:39 pm »
Nee d@nner bok boer, nou maak jy my somer lus om weer die pad te vat Karoo toe.

Dankie vir die foto's, na die Bosveld bly die Karoo maar my gunsteling.
Remember that hapiness is a way of travel - not a destination.
 

Offline Dorsland

  • Forum Whore
  • ****
  • Bike: Yamaha XT 660 Z
    Location: Eastern Cape
  • Posts: 7,063
  • Thanked: 274 times
  • Opsaal kerels!
    • Patriot Boerbokstoet
Re: Watse sneeu!? Ek gaat ry .....
« Reply #8 on: August 02, 2015, 07:18:42 pm »
Dankie ouens, ja dis maar 'n mooi deel van ons land jong.  Sal interessant wees om te hoor hoekom dit vir julle so bekoorlik is?  Vir my is dit die oopte, stilte en die relatief ongereptheid daarvan.
Geleerdheid in die kop van 'n dwaas is soos 'n lemmetjie in die hand van 'n aap.

CJ Langenhoven
 

Offline Jondu

  • Senior Member
  • ***
  • Bike: BMW R1200GS Adventure
    Location: Western Cape
  • Posts: 1,027
  • .................................
Re: Watse sneeu!? Ek gaat ry .....
« Reply #9 on: August 02, 2015, 07:26:27 pm »
My een seun het Woensdag daardeur getoer op pad EL toe. Julle wereld is altyd mooi.
 

Offline Dorsland

  • Forum Whore
  • ****
  • Bike: Yamaha XT 660 Z
    Location: Eastern Cape
  • Posts: 7,063
  • Thanked: 274 times
  • Opsaal kerels!
    • Patriot Boerbokstoet
Re: Watse sneeu!? Ek gaat ry .....
« Reply #10 on: August 02, 2015, 07:28:55 pm »
My een seun het Woensdag daardeur getoer op pad EL toe. Julle wereld is altyd mooi.

Het hy met 'n motorfiets gery Jondu?
Geleerdheid in die kop van 'n dwaas is soos 'n lemmetjie in die hand van 'n aap.

CJ Langenhoven
 

Offline Jakkals

  • Forum Whore
  • ****
  • Bike: Yamaha Super Tenere
    Location: Western Cape
  • Posts: 6,320
  • Thanked: 3 times
  • I never get lost, I only discover new roads
Re: Watse sneeu!? Ek gaat ry .....
« Reply #11 on: August 02, 2015, 07:32:36 pm »
Dorsland, vir iemand soos ek wat baie stront kan praat maar eintlik 'n baie stil mens is, is daar nie 'n beter plek om jouself te vind en jou gedagtes te laat gaan soos die Bosveld en die Karoo nie.

Vir my is daar niks lekkerder as om alleen deur daai vlaktes rond te ry en die wondere van die natuur te bekyk nie, gaan sit eendag stil op 'n dorre stuk veld en kyk om jou rond en jy sal verbaas wees hoeveel lewe daar om jou is en hoe dit aan gepas is om te kan oorleef.

Diep in die Bosveld is natuurlik my eerste opsie, veral in die aand om 'n vuur met al die nag geluide, ongelukig is dit iets wat jy nie kan beleef as jy in 'n groep is nie.

Ek hou ook baie van geskiedenis en het 'n manier om my daar in te kan leef en waar kan jy nou 'n beter plek kry om dit te doen as in die Karoo of Bosveld.
Remember that hapiness is a way of travel - not a destination.
 

Offline Jondu

  • Senior Member
  • ***
  • Bike: BMW R1200GS Adventure
    Location: Western Cape
  • Posts: 1,027
  • .................................
Re: Watse sneeu!? Ek gaat ry .....
« Reply #12 on: August 02, 2015, 07:34:03 pm »
Jip n KLR. Hy het dit baie geniet. Hulle was by Tiekiedraai en het so 15h00 vandag hier aangekom.
 

Offline Dorsland

  • Forum Whore
  • ****
  • Bike: Yamaha XT 660 Z
    Location: Eastern Cape
  • Posts: 7,063
  • Thanked: 274 times
  • Opsaal kerels!
    • Patriot Boerbokstoet
Re: Watse sneeu!? Ek gaat ry .....
« Reply #13 on: August 02, 2015, 07:35:46 pm »
Ou Jakkals, ek dink as ek weer daar in George is moet ek en jy bietjie steaks gaan eet.  Jy en tgg is 2 ouens wat hier oppie forum gesig wys wat anders as wat julle in lewende lywe is.  :thumleft:
« Last Edit: August 02, 2015, 07:37:05 pm by Dorsland »
Geleerdheid in die kop van 'n dwaas is soos 'n lemmetjie in die hand van 'n aap.

CJ Langenhoven
 

Offline Dorsland

  • Forum Whore
  • ****
  • Bike: Yamaha XT 660 Z
    Location: Eastern Cape
  • Posts: 7,063
  • Thanked: 274 times
  • Opsaal kerels!
    • Patriot Boerbokstoet
Re: Watse sneeu!? Ek gaat ry .....
« Reply #14 on: August 02, 2015, 07:36:27 pm »
Jip n KLR. Hy het dit baie geniet. Hulle was by Tiekiedraai en het so 15h00 vandag hier aangekom.

Lekker man!  Hy het seker bietjie koud gekry.
Geleerdheid in die kop van 'n dwaas is soos 'n lemmetjie in die hand van 'n aap.

CJ Langenhoven
 

Offline Jondu

  • Senior Member
  • ***
  • Bike: BMW R1200GS Adventure
    Location: Western Cape
  • Posts: 1,027
  • .................................
Re: Watse sneeu!? Ek gaat ry .....
« Reply #15 on: August 02, 2015, 07:39:28 pm »
Hyt dit nodig Hy is 19. Op daardie ouderdom weet jy mos waar ons was.
 

Online Noneking

Re: Watse sneeu!? Ek gaat ry .....
« Reply #16 on: August 02, 2015, 07:41:12 pm »
Mooi fotos Dorsland!
2006 HP2 Enduro 1229
2019 KTM 790 R

NONEKING'S RIDE REPORTS - http://www.wilddog.za.net/forum/index.php?topic=226099.0
 

Offline Jakkals

  • Forum Whore
  • ****
  • Bike: Yamaha Super Tenere
    Location: Western Cape
  • Posts: 6,320
  • Thanked: 3 times
  • I never get lost, I only discover new roads
Re: Watse sneeu!? Ek gaat ry .....
« Reply #17 on: August 02, 2015, 07:45:20 pm »
Ou Jakkals, ek dink as ek weer daar in George is moet ek en jy bietjie steaks gaan eet.  Jy en tgg is 2 ouens wat hier oppie forum gesig wys wat anders as wat julle in lewende lywe is.  :thumleft:

Ek dog dan jy kom eet jou dik aan muffins by die handelaar as jy in George is. :imaposer: :imaposer:



Nee maar ernstig, as jy in die aand alleen om 'n vuur in die genoemde plekke sit voel dit nie of jy alleen is nie, dit voel of die natuur saam met jou sit en wag om met jou te wil gesels.
Remember that hapiness is a way of travel - not a destination.
 

Offline Dorsland

  • Forum Whore
  • ****
  • Bike: Yamaha XT 660 Z
    Location: Eastern Cape
  • Posts: 7,063
  • Thanked: 274 times
  • Opsaal kerels!
    • Patriot Boerbokstoet
Re: Watse sneeu!? Ek gaat ry .....
« Reply #18 on: August 02, 2015, 07:47:41 pm »
Mooi fotos Dorsland!

Dankie N,  ek het my kamera by die huis gelos en kom dit eers agter toe ek reeds oppad was.  Die selfoon moes maar deug maar darem nie tť sleg uitgekom nie.


Hyt dit nodig Hy is 19. Op daardie ouderdom weet jy mos waar ons was.

Ja wat, op daardie ouderdom brand die hormone mos hoŽ vlamme dan voel mens mos nie die koue nie.  :biggrin:
Geleerdheid in die kop van 'n dwaas is soos 'n lemmetjie in die hand van 'n aap.

CJ Langenhoven
 

Offline Dorsland

  • Forum Whore
  • ****
  • Bike: Yamaha XT 660 Z
    Location: Eastern Cape
  • Posts: 7,063
  • Thanked: 274 times
  • Opsaal kerels!
    • Patriot Boerbokstoet
Re: Watse sneeu!? Ek gaat ry .....
« Reply #19 on: August 02, 2015, 07:50:35 pm »
@Jakkals: Ja, soms is dit nodig om al die geraas - binne en buite 'n ou se kop - vir 'n ruk lank net doodstil te maak, sommer keelaf te sny dat mens weer die sin van die lewe kan hoor.
Geleerdheid in die kop van 'n dwaas is soos 'n lemmetjie in die hand van 'n aap.

CJ Langenhoven