'n Kopskoonmaak toer saam met goeie vriende

[woody1]

Hoe honger word ek nou 

[DUSTRIDERS]

Hoe honger word ek nou 

MFN se RRs is altyd soos die kos programme op tv. Mens raak honger.

[Man from Nam]

Dag 9:
Ons is die oggend vroeg op, teleurgested dat dit die laaste entjie huis toe is, mens kan nie glo hoe die tyd vleig as mens pret het nie en hierdie toer het nie teleurgestel nie. Ons is net na ses uur in die pad. Willem laat sleep, ek dink hule verlang na die kleinkinders en ek volg maar. Gelukkig is die pad baie stil met baie min verkeer en dit is lekker koel so vroeg in die oggend. Omdat ons so bietjie te vinnig ry moet ons noodgewonne by Rehoboth weer volmaak, hieride Tenere's is maar swaar op brandstof as mens hulle oor draai. Die gras is lank tot op die skouer van die pad na die goeie reen wat ons gehad.
Net so paar kilometer na my plaas se afdraai draf daar so paar paaie administrasie hoenders oor die pad en hulle onderskat my spoed, wat so rondom 160Km was. Een van die tarentale sien hy gaan dit nie maak nie en probeer opstyg, maar ek tref dit, gelukkig net onder die tenk, my baadjie en visor is vol bloed spatsels en ek besef hoe dom ek is en verminder dadelik my spoed. Ek het al gesien hoe lyk 'n motorfietsryer wat 'n tarentaal met groot speod reg teen sy visor getref het.
Ons stop net so na agtuur die oggend veilig by die huis. Toe ons begin afpak, sien ek die arme dooie tarentaal sit styf net tussen die tank en die koligte ingewurg. Ons is baie dankbaar dat ons veilig is na presies 3260Km.
Foto 1: Net voor ons vertek uit Mariental op die laaste dag
Foto 2: Ons stop veilig by die huis net na agtuur die oggend
Foto 3: Die arme tarentaal sit styf ingewurg tussen die tank en die vurk.

[woody1]

Dankie vir die deel.

Lekker saamgery 

[Man from Nam]

Ter Afsluiting:
Soos ek in my inleiding genoem het was hierdie 'n kopskoonmaak toer gewees. Nou hulle se motorfiets ry is die beste terapie om mens se lewe weer in perspektief te plaas, ek is seker julle almal het al die storietjie gehoor dat as jy sielkundige hulp nodig het, koop vir jou 'n motorfiets, want mens sien nooit 'n motorfiets voor 'n sielkundige se praktyd nie. Dit is sooo... waar!!
Elke toer het sy doel en hoogte punte en laagte punte, maar daar is altyd 'n doel en iets wat mens daaruit saamneem. Nou hierdie toer het net op die regte tyd gekom vir my persoonlik. Nie alleen kon ek 'n paar plekke en paaie sien en beleef nie, maar die lang ure op die pad gee mens baie tyd om te dink. Soos ek genoem het het was daar 'n paar uitdagings en ek glo die tyd was net reg vir kop skoonmaak en om dinge weer in perspktief te plaas.
Ek het weer eens besef hoe geseend ons is:
Om ouers te he tot op ons rype ouderdom.
Om die geleetheid en finansies te kon he om die beste moontklike sorg vir my ma te kon gee in die laaste paar jaar toe sy nie meer vir haarself kon sorg nie.
Om so toer met my liewe vrou te kan doen
Om goeie vriende soos Willem en Suzette te kan he en alles met hulle te deel
Om goeie gesondheid te kan he om so toer te kan doen
Om sulke goeie reen te kon ontvang na laas jaar se verskriklike droogte.

Hierdie was werklik 'n toer wat my laat besef het hoe geseend ek is en dat ons so maklik ondankbaar is as iets verkeerd gaan.
Dankie aan my dierbare vroutjie en gunsteling  reis genoot, dankie aan ons goeie vriende wat al heelwat toere saam met ons gedoen het, julle vriedskap is kosbaar. Dankie dat ons weer die getroue Tenere's se bene bietjie kon rek
Groot dank aan ons Hemelse Vader aan wie ons al hierdie seeininge verskuldig is.

Dankie aan almal wat saam gery het.

Rus in vrede ma.

[DUSTRIDERS]

Baie keer as ek so ry dink ek aan my ma en ook dat ek bitter spyt is ek kon nie al die plekke vir haar wys met n bakkie of SUV. 

Dankie vir die RR MFN. Ons sien uit na die volgende een.



Jy het nagelaat om dankie te sê vir jou gesonde eetlus!!

[FJR]

Ek is nou skoon hartseer dat julle toer om is, kon nie wag om jou RR elke dag te lees nie. Ons het 'n jaar gelede n Namib duine toer gedoen met die 4x4's en het daarna vir my ma in Hentiebaai gaan kuier. Net n week na ons terug in PE was het sy geval en haar heup gebreek, Sy het ongelukking nooit van dit hestel nie en is kort daarna oorlede. Mens moet hulle baie waardeur terwyl mens nog kan. Ek verlang haar so baie.

Ek is baie bly julle is veilig by die huis en as julle ooit eendag in PE kom kom groet tog ASB.

As julle wil lees, hier is my RR van ons 4x4 toer.

http://www.4x4community.co.za/forum/showthread.php/151433-Elim-Namib-Toer-PE-Sesriem-Walvisbaai?highlight=

[Man from Nam]

Dankie FJR, ja dit is maar swaar om jou se ma te verloor na soveel jare, maar aan die ander kant dit was 'n vooreg om haar vir 83 jaar te kon he. Laas Sondag was moedersdag en was nogal moeilik, maar sy was baie swak en sy is nou in 'n beter plek. Ek is baie bly jy kon darem jou ma sien tydens julle toer voordat sy oorlede is..
Julle toer deur die duine lyk fantasties, gaan dit die naweek lees. Dit is ook nog op my emmerlysie om die hele toer van Luderitz af te doen,
As jy ooit weer in Namibia kom laat weet my asb, hier is altyd koue bier en lekker vet T Bene