Author Topic: Man, gaan sommer in jou Hel in (Read 4431 times)

Dorsland · « **Reply #60 on:** April 18, 2019, 05:57:49 pm »

Woody jy gaan wyd ry EC Bash toe, geniet dit.

Dankie KR, waardeer jou en die ander ouens se kommentaar. Ek weet darem nie van boekskryf nie, dis ‘n perd van ‘n ander kleur daai.

Dwerg · « **Reply #61 on:** April 18, 2019, 06:26:21 pm »

Ek sukkel gewoonlik met baie woorde maar die het lekker gelees

Ek is mal daaroor om so een keer ‘n jaar die tipe trip te doen. Solo en rustig en meer oor die reis, die omgewig en mense te ervaar as net vir bike ry alleen. Maak mens se siel lekker rustig

Dutchman81 · « **Reply #62 on:** April 18, 2019, 08:00:38 pm »

Het die RR voorwaar geniet , baie dankie vir die deel Oom Dorsland , was darem bevooreg genoeg om so ruk terug saam met Lem ook self die Swartbergpas te verken
Lekker saamgery !

Sent from my S30 using Tapatalk

Dorsland · « **Reply #63 on:** April 19, 2019, 10:12:59 am »

Ja @Dwerg, ek geniet ook sulke ritte baie. Gee mens die geleentheid om dinge om ons vir 'n slag raak te sien.

Quote from: Dutchman81 on April 18, 2019, 08:00:38 pm

Het die RR voorwaar geniet , baie dankie vir die deel Oom Dorsland , was darem bevooreg genoeg om so ruk terug saam met Lem ook self die Swartbergpas te verken
Lekker saamgery !

Jy is ook maar aan die skaars kant hier deesdae né.

Die Swartbergpas is inderdaad een van die kroonjuwele van ons land se grondpadnetwerk. Die dame by Kobus se Gat sê hoeka vir my lyk my ek is lief vir dié deel van die wêreld nadat ek en my vrou so 5 of 6 weke gelede met die bakkie daaroor is.

Vis Arend · « **Reply #64 on:** April 19, 2019, 02:14:51 pm »

Quote from: Dorsland on April 19, 2019, 10:12:59 am

Die Swartbergpas is inderdaad een van die kroonjuwele van ons land se grondpadnetwerk.

Die heel 1ste keer wat ek en Nannie daaroor is, sy met haar 250 Tormado ek ek met die Transalp, kom ons bo en vind twee ander "bikers" ook daarbo. Ons klim af en die manne groet ons vriendelik en ons groet terug. Nannie merk op dat dit een van die moosite uitsigte is wat sy gesien het. Die een ou hak af en se "dis God se hoofkwartier". Daai woorde was heel gepas.

JMOL · « **Reply #65 on:** April 20, 2019, 06:21:58 am »

Baie dankie vir 'n vroegoggend lekker lees.

Soos altyd - van die beste stories.

@Vis - ek dink daai ou is reg met sy woorde.

Ek wag in spanning vir jou volgende verhaal Dorsland.

Sent from my SM-G930F using Tapatalk

Vis Arend · « **Reply #66 on:** April 20, 2019, 06:32:37 am »

Quote from: JMOL on April 20, 2019, 06:21:58 am

Baie dankie vir 'n vroegoggend lekker lees.

Soos altyd - van die beste stories.

@Vis - ek dink daai ou is reg met sy woorde.

Ek wag in spanning vir jou volgende verhaal Dorsland.

Sent from my SM-G930F using Tapatalk

Dis tyd dat ons weer sulke lekker rustige trippies doen soos in die verlede.

roxenz · « **Reply #67 on:** April 20, 2019, 07:31:21 am »

Quote from: Vis Arend on April 20, 2019, 06:32:37 am

Quote from: JMOL on April 20, 2019, 06:21:58 am
Baie dankie vir 'n vroegoggend lekker lees.

Soos altyd - van die beste stories.

@Vis - ek dink daai ou is reg met sy woorde.

Ek wag in spanning vir jou volgende verhaal Dorsland.

Sent from my SM-G930F using Tapatalk

Dis tyd dat ons weer sulke lekker rustige trippies doen soos in die verlede.

Maar eers moet jy en Nannie julle training doen vir die "Namibia Dakar"...

punisher · « **Reply #68 on:** April 20, 2019, 11:02:12 am »

Quote from: Dorsland on April 18, 2019, 03:41:12 pm

Quote from: punisher on April 18, 2019, 11:26:48 am
baaie dankie
lekker geskryf , and lekker kikkies

maar nou moet ek rus ................. om al die afrikaans te lees het my mooi uitgepit

Och, ay mon, You doth protest too much methinks Scottish. You forget I awarded you honorary Boer status a while back. I know you can read and write Afrikaans very well @punisher . So jes' you get yer ain bahooky in gear or I’ll gie ye a skelpit lug!

immigrant · « **Reply #69 on:** April 20, 2019, 01:29:06 pm »

Quote from: Dorsland on April 17, 2019, 08:22:59 pm

Ek gee hom ’n stukkie wors en sit hom oppie vloer.

20190410_073626 by Dors lander, on Flickr

Daar het al baie voete deur die jare oor daai vloer geloop....

Hoe gedra die Grizzly homself?

BlueBull2007 · « **Reply #70 on:** April 21, 2019, 04:30:41 am »

Thanks for the lekker report ou boet.

Those photos you took are really beautiful and make my heart cry out for Africa.

Quite a scary off on the drop!

DEE 1150 · « **Reply #71 on:** April 23, 2019, 11:12:53 am »

Lekker lees ek nou aan hierdie RR Dorsland !
Dink hier is 'n hele paar van ons wat hierdie ry-styl be-oefen en geniet en so 'n RR ekstra kan waardeer.
Baie dank vir die deel !
Groetnis

ExploreSA · « **Reply #72 on:** April 23, 2019, 11:25:06 am »

Lekkerrrrrrrrrrrrrrrrrrrrrrrr

Matewis · « **Reply #73 on:** April 23, 2019, 11:37:49 am »

Quote from: Dorsland on April 17, 2019, 08:24:53 pm

Ek ry lekker die pad uit, Swartbergpas af, Prins Albert in. Maar nie voor ek die satan self in die Hel gesien het nie.

20190413_121115 by Dors lander, on Flickr

20190413_121308 by Dors lander, on Flickr

Daar eet ek ontbyt by die Lah-Di-Dah padstal. Ordentelike mense sit aan tafel om my. Ek kom uit die Hel uit waar ek warm gekry het, gesweet het, vol stof geraak het. Gelukkig het ek darem vanoggend geskeer en tanne geborsel. Ek eet, wat sal ek my nou breek oor of ek windop of windaf van hulle sit. En wat sal ’n ontbyt nou sonder ’n arbei melkskommel wees. Hy kom met ’n duk strooi, ek moet my suig ken om die “extra thick” melkskommel opgeslurp te kry. Nou kan ek seker ook ’n gholfbal deur ’n tuinslang suig.

Ongelukkig moet my besigheid loop, gatskuur of de not en ek haal my eposse en Whastapps op my foon in. Ek laat weet my vrou ek lewe nog, sy gaan nog nie erf nie, sy moet nog net ’n ruklank geduldig wees.

By Prins Albert se Spar koop ek ’n 450g biefstuk, druiwe (daar was waatlemoen maar ek het nie vir hom saamryplek nie. Dis hartseer maar dis hoe die lewe soms met mens maak. Net die taaistes oorleef), melk, joghurt, Weetbix en druiwesap. Vanaand op Abrahamskraal eet ek eersteklas.

Ek kap die 30km soentoe flou. Bliksem dis droog hier by die arme Karooboere. Ek kla nooit ooit weer oor droogte nie. Dié mense ken van droogte.

Hierdie hele huisie is net vir my. Dis blerrie oulik, netjies, skoon, verwelkomend, gemaklik. Ek saal af en pak uit. Sit die teeketel aan, eet druiwe. Ek voel tuis hier.

20190411_173504 by Dors lander, on Flickr

20190411_143213 by Dors lander, on Flickr

20190411_173431 by Dors lander, on Flickr

Ek ry nog heelpad FA Venter se Kambrokind saam, lees lekker aan hom want ek kan my hier in dié dorre wêreld inleef in sy vertelling van swaarkry en grootword in ’n vervloë era. Wat kan nou lekkerder wees as om op ’n Donderdagmiddag, salig op jou bed te lê en lees.

20190411_143246 by Dors lander, on Flickr

Die son trek water, dit begin afkoel, ’n vlakteluggie steek op. Daar staan die aandster al. Ek steek ’n klein vuurtjie aan, reg om my vleis so liggies te braai. Vanaand eet ek net vleis, lekker. So sappig, effe bloederig, gesout en gepeper. Druiwe en joghurt vir nagereg. Tee drink terwyl ek so sit en die aand sien aanstaltes maak.

2019-04-17_08-23-08 by Dors lander, on Flickr

20190411_180829 by Dors lander, on Flickr

20190411_202634 by Dors lander, on Flickr

20190411_181624 by Dors lander, on Flickr

Ek gaan stap so ’n ent. Doer lê die Nuweveld berge, hier en daar ’n los wolk wat oor die vlaktes beweeg. Kan daar ’n ander plek as die Karoo wees wat so ’n heimwee in mens kan uitlok?

20190413_121959 by Dors lander, on Flickr

Die volgende oggend, terwyl ek my Weetbix buite eet, neem ek die held van die verhaal bietjie af.

20190411_143601 by Dors lander, on Flickr

20190413_121636 by Dors lander, on Flickr

20190412_070936 by Dors lander, on Flickr

Dan is ons reg vir die rit plaas toe.

20190412_085518 by Dors lander, on Flickr

Ek mik na die droewige Rietbron toe. Kêrels, hier is dit droog. Ek kry wildsbokke wat sommer vlak langs wildsheinings gevrek het, baie skilpaaie wat gedooi het, van hulle vreet wat se groenigheid hul in die lopies kan kry. Die pad is baie mooi, nuut geskraap (dis mos Wes-Kaap), ek ry lekker. Hier sien ek ook hoe dit sulke strepe gereën het. Nou is dit effens groen, dan weer lang ente vaal en dor.

20190413_121740 by Dors lander, on Flickr

Hier is BAIE niks. Maar dis eerlike niks, skoon niks, egte niks. Ek ry die laaste ent grondpad lekker, voëlvry, oop en los.

20190413_122105 by Dors lander, on Flickr

20190413_122156 by Dors lander, on Flickr

Die 180km teerpad Aberdeen om plaastoe laat my weer besef waar lê my hart eintlik. En dis nie op die teerpad nie.

Sien jy het hier by my mense op Abrahamskraal gekuier! Dis al amper soos 'n 2de huis!!

0012 · « **Reply #74 on:** April 23, 2019, 12:33:25 pm »

Quote from: Lem on April 17, 2019, 08:55:47 pm

Jislaaik Dorsland

Ek het gewonder wat van jou geword het. Soos altyd, voortreflik mooi geskryf in kleurvolle Afrikaans met puik fotos

+1000

vreeslik lekker saamgery, baie dankie

Heel paar keer lekker gelag maar hierdie een vat die koek:
"Ek kon onwetend saam ETS en Cocky my poerdesmerdes geval het. Ons kon groepafslag by die hospitaal gekry het. Gelukkig is ek die beter ruiter en kom niks oor nie."

woody1 · « **Reply #75 on:** April 23, 2019, 12:42:05 pm »

Wat hy eintlik se is die BIKE is 'n beter tipe..

0012 · « **Reply #76 on:** April 23, 2019, 12:44:49 pm »

Wou twee jaar terug oor die Swartbergpas, maar dit was toe weens verspoelling en ons het toe deur Seweweekspoort laingsburg toe, baie hartseer daaroor, sien daarna uit om dit te beleef, een dag, Swartbergpas.

Snafu · « **Reply #77 on:** April 23, 2019, 01:12:45 pm »

Mooi Afrikaans, ek het lekker saam gery!

0012 · « **Reply #78 on:** April 23, 2019, 01:25:15 pm »

Quote from: woody1 on April 23, 2019, 12:42:05 pm

Wat hy eintlik se is die BIKE is 'n beter tipe..

dis nou suiwer waarheid daai

Dorsland · « **Reply #79 on:** April 23, 2019, 02:12:57 pm »

Quote from: immigrant on April 20, 2019, 01:29:06 pm

Daar het al baie voete deur die jare oor daai vloer geloop....

Hoe gedra die Grizzly homself?

Snaaks jy merk dit op, ek sit ook daar en wonder oor die stories wat daai deurdrumpel kon vertel.

Die Grizzly werk baie goed. Het mos sy stator laat vervang en hy het nog nie weer probleme gegee nie. Wat ek wel opmerk, as die weer baie warm is en ek het die brandstoftenk propvol gegooi dan lyk my hy kry 'n lugleegte en sukkel hy om aan te sit. Ek gooi die tenk nou nie meer stampvol nie en dit blyk te werk. Ek is baie tevrede met hom dankie @immigrant