DIE VISARENDE SE PASPOORT SAGE !!!

[caconcepts]

Kap hom vlou oom Louis.

[Mev Vis Arend]

Daai paaie lyk lekker

Dit is lekker paaie 

[bud500]

Lekkerrr!

Dis omtrent tyd.

[Vis Arend]

Kap hom vlou oom Louis.

Thanks man.   

Jy moet ons nuwe scooter sien, daai een wat ek by jou gesteel het.      Gaan later 'n report op WD sit oor hom, hy lyk so effe anners as toe jy hom gehad het.  En nee, jy kan hom nie terugkry nie.    

[Black_Hawk]

Ek volg ook hier, julle trippie lyk baie lekker 

Ek het gehoor dat Prins Albert nou so groot binnelandse sake het en is nuuskierig om julle terug voering van die plek en die diens te gee. SO bike trippie klink na 'n blink plan om my en vroulief se paspoorte ook te gaan hernu

[Vis Arend]

So klein vuurtjie by die Royal.   

[Vis Arend]

Ek volg ook hier, julle trippie lyk baie lekker 

Ek het gehoor dat Prins Albert nou so groot binnelandse sake het en is nuuskierig om julle terug voering van die plek en die diens te gee. SO bike trippie klink na 'n blink plan om my en vroulief se paspoorte ook te gaan hernu

Thanks, sal jou voor die einde van die trip terugvoering gee.   

[Dorsland]

Die twee “weapons of choice”,  Vrou se CRF250L en my CRF250 Rally.   

Waar is jou gouddelf pan?

Dit gaan weer 'n Vis Arend Klassiek wees, ek lees lekker saam.

[Vis Arend]

Dag 2. 

Vandag is ‘n kort roete, 220km.

Die eerste stuk van Steytlerville na Willowmore is teer en enkellaan sementpad, dan die grondpad na Klaarstroom en vandaar die teerpad na Prince Albert.
Ons het gisteraand genoeg choppies en wors gebraai vir vandag se padkos. 

Ons is oudergewoonte vroeg op, drink ‘n lekker beker koffie op die stoep, net so dit ‘n ouman betaam.      Ons pak stadig op.  Daar is ‘n koelte in die lug en ons het net somerklere saam.  Ons besluit om die reenjasbaadtjies aan te trek om die geniepsige koue uit te hou. 

By 7 uur vetrek ons.  Die 250’s loop net so lekker op die teerpad, ons handhaaf ‘n skaflike spoed van 115km/h. 

Op die enkellaan sementpad stop ons om bene te rek.  Dis maar droog in die omgewing, die veld lyk kaal.  Die mense soek reent.

[Vis Arend]

Die twee “weapons of choice”,  Vrou se CRF250L en my CRF250 Rally.   

Waar is jou gouddelf pan?

Dit gaan weer 'n Vis Arend Klassiek wees, ek lees lekker saam.

   Ek het genoeg rykdom, sy ry daar voor op die 250.   

[Grunder]

 

Trip lees lekker

[Dorsland]

As ek daai 2 fietse so langs mekaar sien dan dink ek die Rally sou baie mooi met goue of silwer wiele gelyk het.  Maar hoe dit ookal sy, daai 250s lyk na die regte wapen vir die stryd.

[Vis Arend]

Ons is vort en stop in Willowmore om petrol aan te vul, net ingeval ons nie Prince Albert sal haal nie, ons wil nie kanse vat en laat in Prince Albert kom nie.

Die eerste stuk op die grondpad na Klaarstroom is maar klipperig en los gruis.  Die pad het so stelselmatig slegter geraak.  Dit lyk asof hulle onlangs goeie reen in die omgewing gehad het.  Al die driffies is effe verspoel. 
Maar die pad pla ons nie, die 250’s hanteer goed en vrou se regterhand is weer aan die swaar kant.  Soos ons die driffies nader, sien ek net voutjie staan op, bekyk die storie, en gee gas.  Ek wil nog keer dat sy moet versigtig dan is sy al deur en anderkant uit.  Ek besluit maar om saam te gaan, anders bly ek agter.   

[Vis Arend]

Dis heerlike koel weer en die pad loop mooi.  Ek probeer nog byhou.   

[TrailBlazer]

Maar julkle mense weet hoe om 'n ou se bek jags te maak vir 'n stuk pad, en 'n lekker happie ook.

Hier deel ek jou trippie 

[Vis Arend]

Ek raak lus vir gister se orige braaivleis en sukkel om die vrou te laat stop, sy is op 'n missie en geniet haarself, so ek los maar en ry net saam. 

[Vis Arend]

Ons stop uiteindelik nie te ver van Klaarstroom en ek kry kans om die innige te verfris. 

Terwyl ons so eet sien ek so ent van ons in die pad so klein swart ding wat beweeg.  Ons loop nader, dis ‘n baba mongoose.  Die klein mannetjie is lekker hardegat en maak lelike geluide.  Ons los hom in vrede en hy is die veld in.  Ons wonder maar net waar is sy ma?

[Vis Arend]

Kort voor lank en baie driffies later is ons weer op die klein stukke teer na Prince Albert.

In Prince Albert boek ons gou in by ons selfsorgeenheid.  Ons trek gemaklike klere aan en vroulief maak haar mooi vir die kiekkies neem by Binnelandse sake.   

Net so na 12 stap ons in by hulle kantore.  ‘n Man groet ons vriendelik en bring stoele uit en se hulle is net gou besig met ‘n klient en sal nou met ons wees.   Ek steek ‘n sigaret aan maar kry nie klaar gerook nie, toe is ons binne en daar word lang stukke gesels.  Die man doen die nodige en kiekkies word geneem.  Vroutjie gaan betaal en ons gaan soek ‘n eetplek.  Alles en alles saam was dit minder as 50min toe is ons aansoeke en betaling gedoen, met al die nonsiens pratery en al.  Ons kry SMS’se, ons aansoeke is ontvang en word gedruk.  Nou ja toe, hoe is dit moontlik dat een kantoor so hulpvaardig is en by ‘n ander kantoor word jy vir ‘n jaar lank rondgefok.     

In elk geval, ons spandeer die res van die dag rustig, verken die klein dorpie en koop kookvleis aartappels en uie vir die aand se ete.  Die wind waai ‘n hond uit ‘n bos en ek is nie lus vir braai in die wind nie. 

Ons eet lekker die aand en gaan slaap met ‘n rustige hart en gemoed. 
 

[woody1]

 

[Vis Arend]

As ek daai 2 fietse so langs mekaar sien dan dink ek die Rally sou baie mooi met goue of silwer wiele gelyk het.  Maar hoe dit ookal sy, daai 250s lyk na die regte wapen vir die stryd.

Ons geniet hulle verskriklik baie, ek glo nie ek sal ooit weer groot gaan nie.  Hulle doen hul ding en is so maklik hanteerbaar.  Grondpad, teerpad, moeilike pad, dit voel dieselfde.     As jy egter 'n spoedvraat is en 130km'h en meer wil ry gaan die outjies nie vir jou werk nie.  Daarvoor het ek die padfietsie.