'n Kort trippie op Clarence Drive

Ek het vanoggend werk aan die Geel Kameel gedoen en wou 'n kort draai gaan ry om te toets.
Die plan was net 'n kort entjie, maar eindelik was dit byna 150km.

Dit was 'n baie mooi dag. Sterk wind op die Kaapse vlakte, maar lekker stil teen die noordelike kant van Valsbaai se berge, daar waar Clarence Drive loop..
Clarence Drive al met die see langs is so lekker om te ry dat ek sommer aangehou het tot in Kleinmond.

Daar was heelwat motorfietse op die pad. Ideale pad en ideale weer vir motorfiets ry.



Uitsig oor Valsbaai. Tafelberg daar oorkant die baai.


Uitsig na die Weste, met Simonstad en Kaappunt oorkant Valsbaai.


Die fynbos en proteas begin hul lentekleure dra. Hierdie is naby Pringlebaai.


Hierdie bobbejane hou wag by 'n erf in Bettiesbaai


Wat is die mooiste - die blomme of die mfiets of die bobjane.


Pikkewyne by Bettiesbaai se reservaat


Kleinmond se boot landing


Uitsig van Kleinmond na die Ooste. Hermanus en Gansbaai daar ver oorkant



Op pad terug by Kogelbaai. Duidelik is hier vandag geen haaie - daar is meer as 30 ouens in die see


Bokant Gordonsbaai is die kort en steil pas na die Steenbras wateraanleg.
Dit is hoog op teen die berg, met baie mooi uitsigte oor Helderberg en Valsbaai