Dorsland
Bachelor Dog
- Joined
- Apr 15, 2012
- Messages
- 11,191
- Reaction score
- 1,681
- Location
- Van Daar
- Bike
- Honda CRF-1000L Africa Twin
Ek was nog altyd redelik neutraal teenoor 'n Harley gewees, die posers wat hulle ry sal seker nooit by my kom braai nie maar dis ook OK. Maar ek sien toe dié week in ons koerantjie dat die Camdeboo Rally vir die Harley manne hier op Graaff-Reinet gehou gaan word en ek besluit toe ek gaan bietjie ry en gaan kyk.
Toe ek vanoggend die pad vat, toe is dit koud en so 'n motreëntjie val. Ek het vir 'n oomblik gehuiwer - nie oor die reën nie maar omdat my pad met die terugkom onbegaanbaar sou raak as dit harder sou reën.
Ek het so 12,5 sekondes gehuiwer en toe ry ek.
Ek ken nie die Harley modelle nie so kan glad nie kommentaar lewer nie. Kyk maar die mooi kiekies en vul my in oor wat goed en sleg is van die verskeie modelle.
Dis koud en misreën toe ek ry.
Toe ek by die vliegveld, waar die drags en ryvernuf vertonings plaasvind, aankom, toe staan daar 'n menigte HDs en kan ek sien hoekom die kroommyne op Rustenburg so groot is ;D. Daar is wel so 3 of 4 DS fietse maar hulle staan almal heel beskeie eenkant sodat hulle nie die Harleys in die verleentheid stel nie. Ek stop toe daar by hulle. Daar was toe wel een ou wat ons BM manne se naam velskoen gemaak het. (Manic het mos so 'n Hilux het hy nie? >
)
Ek sukkel toe eers so 5 minute om die dekselse nuwe oorprop uit my regteroor te kry :imaposer:
Die ouens pas hulle fietse bitter mooi op. Waar ons DS ouens farkle met sakrakke, GPSe, crashbars en sulke goeters, doen hierdie ouens dit met kroom, "airbrush" werk, vlae, radios, sulke leer tosseltjies op die levers ensomeer.
Kyk dié ou se nommerplaat en sy fiets is omtrent soos 'n Gomma-Gomma
Is 'n Victory ook 'n Harley of is dit 'n ander tipe fiets?
Die fiets is vir my bitter mooi.
En kyk, die instrumente op die fietse is iets besonders. Hulle herinner my aan 'n 1960s Cadillac
Dié ou is besig om uit te rafel:
Ek dog altyd Groenie ry 'n Fugly, maar is hy toe al die tyd 'n closet Harley poser :lol8:
Ek gaan kyk bietjie die ouens se ryvernuf vertoning. Hoor hier, dié 2 latte mag maar. Le Riche racing is hulle bedryf se naam. Hulle ry 300cc Gas Gas fietse en van balanseer, briek, versneller en koppelaar beheer kan jy hulle niks vertel nie. Hulle het van daai toeskouers wat so heel in die voorry gesit het, sommer bang gery. Hulle slaan daai kontrêpsie oor hulle bakkie op en ry daai leertjies en ramps asof hulle daartoe gebore is.
:eek7: :eek7: :eek7:
Dié ou slat sommer bollemakiesie op daai fiets :eek7:
Lyk my die HD manne ken van 'n Bash gooi. Glo nie hierdie lorrietjie sal by die Molopo kan uitkom nie.
Ek wonder wat kos so 'n agterband?
Ek praat bietjie met die oom wat daar op sy Indian sit. Hy vertel, standaard, kos sy fiets so R390 000 maar met die ekstras wat hy aangebring het, staan hy nou seker hier by die R520 000 Maar hy sê daai ding ry so lekker op die ooppad mens het eintlik so nou en dan 'n knik in die pad nodig net om wakker te bly.
Elektries verselbare windskerm, gekoppelde ABS, "cruise control", de lot
Die kwaliteit van die vakmansskap op die motorfietse is puik, hulle gietwerk is uit die boonste rakke.
Ook maar die kwaai posers gekry:
Een vir die Vis Arende:
Ek het uitgekyk of ek nie vir Mother daar sien nie, maar daar was heelwat mense. Sy pa ry mos so 'n driewiel Harley:
Nou ja, dit was 'n lekker oggend se vermaak, baie mooi fietse gesien, lekker gesels met van die ouens. Maar die HD manne weet van geld maak met hulle Bash: om een Coke te koop, moes ek 'n hele vel kaartjies vir R100 koop, 4 hoendersosaties was R80. Die goedkoopste eetgoed was die kerk se pannekoekstalletjie waar een pannekoek R5 gekos het.
Ek moes geweet het die kerk gaan by 'n Harley Rally nie hond haaraf maak nie.
Toe ek vanoggend die pad vat, toe is dit koud en so 'n motreëntjie val. Ek het vir 'n oomblik gehuiwer - nie oor die reën nie maar omdat my pad met die terugkom onbegaanbaar sou raak as dit harder sou reën.
Ek het so 12,5 sekondes gehuiwer en toe ry ek.
Ek ken nie die Harley modelle nie so kan glad nie kommentaar lewer nie. Kyk maar die mooi kiekies en vul my in oor wat goed en sleg is van die verskeie modelle.
Dis koud en misreën toe ek ry.
Toe ek by die vliegveld, waar die drags en ryvernuf vertonings plaasvind, aankom, toe staan daar 'n menigte HDs en kan ek sien hoekom die kroommyne op Rustenburg so groot is ;D. Daar is wel so 3 of 4 DS fietse maar hulle staan almal heel beskeie eenkant sodat hulle nie die Harleys in die verleentheid stel nie. Ek stop toe daar by hulle. Daar was toe wel een ou wat ons BM manne se naam velskoen gemaak het. (Manic het mos so 'n Hilux het hy nie? >
)
Ek sukkel toe eers so 5 minute om die dekselse nuwe oorprop uit my regteroor te kry :imaposer:
Die ouens pas hulle fietse bitter mooi op. Waar ons DS ouens farkle met sakrakke, GPSe, crashbars en sulke goeters, doen hierdie ouens dit met kroom, "airbrush" werk, vlae, radios, sulke leer tosseltjies op die levers ensomeer.
Kyk dié ou se nommerplaat en sy fiets is omtrent soos 'n Gomma-Gomma
Is 'n Victory ook 'n Harley of is dit 'n ander tipe fiets?
Die fiets is vir my bitter mooi.
En kyk, die instrumente op die fietse is iets besonders. Hulle herinner my aan 'n 1960s Cadillac
Dié ou is besig om uit te rafel:
Ek dog altyd Groenie ry 'n Fugly, maar is hy toe al die tyd 'n closet Harley poser :lol8:
Ek gaan kyk bietjie die ouens se ryvernuf vertoning. Hoor hier, dié 2 latte mag maar. Le Riche racing is hulle bedryf se naam. Hulle ry 300cc Gas Gas fietse en van balanseer, briek, versneller en koppelaar beheer kan jy hulle niks vertel nie. Hulle het van daai toeskouers wat so heel in die voorry gesit het, sommer bang gery. Hulle slaan daai kontrêpsie oor hulle bakkie op en ry daai leertjies en ramps asof hulle daartoe gebore is.
:eek7: :eek7: :eek7:
Dié ou slat sommer bollemakiesie op daai fiets :eek7:
Lyk my die HD manne ken van 'n Bash gooi. Glo nie hierdie lorrietjie sal by die Molopo kan uitkom nie.
Ek wonder wat kos so 'n agterband?
Ek praat bietjie met die oom wat daar op sy Indian sit. Hy vertel, standaard, kos sy fiets so R390 000 maar met die ekstras wat hy aangebring het, staan hy nou seker hier by die R520 000
Maar hy sê daai ding ry so lekker op die ooppad mens het eintlik so nou en dan 'n knik in die pad nodig net om wakker te bly.
Elektries verselbare windskerm, gekoppelde ABS, "cruise control", de lot
Die kwaliteit van die vakmansskap op die motorfietse is puik, hulle gietwerk is uit die boonste rakke.
Ook maar die kwaai posers gekry:
Een vir die Vis Arende:
Ek het uitgekyk of ek nie vir Mother daar sien nie, maar daar was heelwat mense. Sy pa ry mos so 'n driewiel Harley:
Nou ja, dit was 'n lekker oggend se vermaak, baie mooi fietse gesien, lekker gesels met van die ouens. Maar die HD manne weet van geld maak met hulle Bash: om een Coke te koop, moes ek 'n hele vel kaartjies vir R100 koop, 4 hoendersosaties was R80. Die goedkoopste eetgoed was die kerk se pannekoekstalletjie waar een pannekoek R5 gekos het.
Ek moes geweet het die kerk gaan by 'n Harley Rally nie hond haaraf maak nie.
